2022 年世界盃八強賽事已經全部完成，而 C 朗所帶領嘅葡萄牙亦都喺對陣摩洛哥嘅賽事以 0：1 嘅成績止步八強。有唔少球迷都表示葡萄牙嘅戰術錯漏百出， C 朗作為球隊嘅核心人物更喺今次嘅比賽「坐冷板凳」，直到下半場 51 分鐘先至入場。
雖然葡萄牙嘅總教練 FERNANDO SANTOS 表示唔後悔放 C 朗入後備，但係 C 朗嘅女朋友 GEORGINA 就喺 IG 上面炮轟，表示佢哋低估咗世界上最好嘅球員。
C 朗亦都係 IG 上發表咗一篇賽後聲明，表示自己贏過好多國際級別嘅冠軍，當中包括為葡萄牙贏得嘅冠軍。佢一直為咗可以比葡萄牙個名登上世界最高舞台而奮鬥，所以喺依 16 年之間付出咗一切，將一切都留喺球場上面。不幸嘅係夢想已經結束，但係佢對葡萄牙嘅執著從未改變，亦都永遠唔會背棄隊友同葡萄牙。
雖然佢唔能夠用冠軍獎杯嚟做紀念，但係佢對現代足球界嘅奉獻大家都會銘記於心。
Editor : @_dameno_c__
#c朗 #世界盃 #葡萄牙 #提子 #牙朗
———————————
⚠️ GMAG HK ⚠️
《呢度賣廣告，你睇到其他人都會睇到 》
廣告或宣傳合作詳情
請聯絡：gm@gmag.hk